L'Emigrante
eia come lu figlio r'na pecora chi face tre aini, uno r li tre
nun trova capicchio, si s'avvicina a la menna puro li frati e
r' sore lu tuzzano, loro s'abbottene e a iddo lu fanne rumanì
affalangato; accussì botte osci e botte crai si nu 'mbole
murì se n'adda sulu scì. E quant'è brutto quanno quiddo
juorno arriva!
Nun
sape che bulesse mette 'nnanti int'a quedda valigia: se ulesse
purtà tutto lu paese, se ulesse purtà re jurnate passate a
fà "mazzapiuzo" e "merco m'palato", se
ulesse purtà r' serate passate a fà "bancasalda" e
"cuvalera a cuvà"!
Se
ulesse purtà l'addora r' li tigli e r' re' ginestre scuccate.
Ma
la valigia eia piccola e 'ngi pote mette into sulo quatto
zeule.
'Nnanzi
a la porta la mamma aspetta, aspetta ca succere coccosa
accussì lu figlio nun se ne vai.
Ma
nun succere nienti, tutt'eddui ind'a lu core speravene ca
coccosa succìria, ma pe la mamma e l'Emigrante nun succere
mai nienti, l'ora re se separà arriva sempre. Quanno se
salutano, re lacreme fann sciulà re facce una vicino a l'auta
e cu li vasi ognuno se ulesse tenè l'anima.
Statti
'bbuono Figlio mio! Rice la mamma e quanno s'au alluntanato,
sola sola citto citto rice " 'mParaviso ci verimo. Quanta
rabbia e lacreme ogni Natale e Capuranno verso questa 'Terra
ingrata' "!
Quantu
costa a n'Emigrante stà luntano? Nu ru sape nisciuno; ru sape
sulu iddo, sulu iddo sape come s' stai quanno na Mamma, n'Attane,
nu frate, na sora sonne malati o morene e iddo nun c'è! Iddo
sulu sape che significa. "
Avessa
esse 'ngazzato brutto vierso tutto e tutti p' totte re lacreme
chi scetta e invece ........ Invece quanno pensa a la Terra
Soia nu'mporta ca l'anno "cacciato", n'mporta ca è
stato "umiliato e pistisciato", mmanna soldi a la
via re questa via pe fa stà meglio la famiglia, p'aggiustà
la Massaria. Mmanna soldi p' la Chiesia e p' la Maronna;
mmanna soldi p' fa stà buoni a nui.
Eccol'Agnello
di Dio, risse "UNO" na ota; ecco colui che salverà
il Mondo!
Ma
nunn'è ca quisto "Agnello di Dio" eia probbrio l'Aino
chi imo ritto prima?
Figlio
re quedda pecora che ne fece tre, quiddo senza capicchio?
Forse
è proprio Iddo, l'Emigrante.
Perciò
quanno ven'ne accuglimere bbuoni, facimeci passà quiddi
quatto iuorni chi s' stanne ra cristiani importanti, pecchè
importanti sonne.
Nu'ngì
scurdamo ca cu re lire chi hanno purtato hanno fatto appiccià
accummica lampadine int'a quisto paese quanno n'gera la
scurìa terra terra.
Si
s'anne fatto accù na lira nunne simo gelosi ma orgogliosi,
pecchè nu'nge Ommene chiù gruosso re quiddo chi sape onorà
la Terra Soia.
Con
Affetto Rocco.
